Kaliwat-kanan ang foreign borrowers na pumapasok ngayon sa Asia-Pacific bond markets.Yung mga tinatawag naKangaroo, Panda, at Dim Sum bond sales ay pare-parehong nag record high ngayong 2026.
Nasa 42 billion US dollars ang Kangaroo bonds na nabenta ngayong taon, kung saan mga foreign borrowers ang nagbenta nito gamit ang Australian dollar. Tumalon ito ng 40% kumpara noong 2025, ayon sa LSEG data na kinuha ng Reuters.
Hong Kong at Yuan Bond Debuts, Nag-Record High
Pati Hong Kong dollar bond issuance, nag-record high rin ngayong 2026. Ayon sa Reuters, unang beses din nagbenta ng Australian dollar o yuan bonds ngayong taon ang Commerzbank, Engie, at Singapore Airlines.
Pati yung Chinese onshore panda bonds at offshore dim sum bonds, nagrecord din ng all-time high sa first half ng 2026. Sa panda bonds, nasa 160 billion yuan o 24 billion US dollars ang sales. Sa dim sum bonds naman, umabot ng 350 billion yuan ang nabenta.
Australia ang nangunguna pero halos buong Asia ay may matinding pagtaas sa bonds. Image Source: Reuters
Parehong mahigit 60% ang itinaas ng dalawang figures na ito kumpara noong isang taon, base sa Goldman Sachs data na kinuha rin ng Reuters. Tinatayang kalahati ng volume na ito ay galing sa international borrowers.
“Nandito na tayo sa punto kung saan mas naging malaki at mahalaga na talaga ang mga market na ito — hindi lang para sa local names kundi pati na rin sa international.”
Yan ang sinabi ni Carla Goudge, head ng debt syndicate para sa Asia-Pacific ng HSBC, sa Reuters.
Yen Bonds at ang AI Borrowing Boom
Halos doble rin ang dami ng yen bonds na nabenta ng foreign borrowers ngayong taon. Malaking parte nito ay galing sa record bond sale ng Alphabet, pero kahit wala ito, nasa seven-year high pa rin ang yen issuance.
Sa kabuuan, lumagpas na sa 4 trillion US dollars ang global bond sales hanggang katapusan ng July — mula nasa 3.5 trillion dollars lang noong nakaraang taon. Dahil dito, nadidiin lalo ang major bond markets sa gastos ng artificial intelligence (AI) infrastructure at lumalaking utang ng mga gobyerno.
Yung matinding investment ng Big Tech sa AI nakakaapekto na rin sa hyperscaler free cash flow. Mas lalo nitong pinipiga ang bond market na ginagamit din ng mga kumpanyang ito.
Ipinapakita rin ng trend na ito na tinutulak ng Beijing na maging mas kilala at gamit ang yuan sa ibang bansa. Kasunod ito ng matitinding swings sa Asian equities, kasama ang Kospi at Nikkei sell-off ngayong taon.
Sila German carmakers at European financial institutions ang pinakamalakas maglabas ng panda bonds, sabi ni Clifford Lee na global head ng investment banking ng Singapore DBS.
Mas Maraming Gobyerno, Gustong Pasukin ang Panda Bond Market
Noong April, Portugal ang naging unang eurozone government na nagbenta ng dim sum bond. Halos 2 billion yuan o katumbas ng 300 million US dollars ang nakuha sa bentahan.
Pagkatapos nito, ibinalik ng Portugal ang nakuha nilang pera papuntang euros at kahit papaano ay naka-save sila, ayon kay Rui Amaral mula sa debt agency.
Sabi ng Reuters, plano namang magbenta ng kauna-unahang panda bond ng Brazil ngayong taon. Sinusubukan ring sumali ng Kenya sa market na ito.